|
| Borderline (2025) |
Borderline (2025))
ဒီဇာတ်ကားလေးကတော့ မက္ကဆီကိုပြည်နယ်က ဂိုဏ်းသားတချို့ ပျောက်ချင်းမလှပျောက်သွားပြီး တခြားနိုင်ငံက မြို့တွေမှာ တစ်ယောက်တစ်နေရာစီ ထူးဆန်းစွာ ပြန်ပေါ်လာတာကို အဖြေရှာရမဲ့ဇာတ်ကားလေးပဲ ဖြစ်ပါတယ်။
ဟိုဆေးဟာ ဆရာဝန်ဖြစ်ချင်လို့ ဆေးကျောင်းတက်နေတဲ့ကောင်လေး ဖြစ်ပြီးတော့ သူဟာ ကျောင်းပိတ်ရက်တစ်နေ့မှာ ရာဇဝတ်ဂိုဏ်းထဲက သူ့ဘော်ဒါတချို့နဲ့ အိမ်မှာ နှပ်နေတုန်း ရုတ်တရက် အိပ်ပျော်သွားပြီး ပြန်နိုးလာတဲ့အခါမှာ အမေရိကရဲ့ မြို့နယ်တစ်ခုက လမ်းကြားလေးထဲမှာ ပြန်နိုးလာပြီး ဘာဖြစ်ခဲ့လို့ ဖြစ်ခဲ့မှန်းတောင် သတိမရတော့ပါဘူး။
ဒါ့အပြင် ဘောင်းဘီအိတ်ကပ်ထဲမှာလည်း သေနတ်တစ်လက်က အဆင်သင့်ရှိနေပြီး နိုင်ငံပါကျော်ပြီး ရောက်ချလာတာ ဖြစ်ပါတယ်။ ဒီတော့ ဟိုဆေးတစ်ယောက် ဘယ်လိုလုပ်ပြီး ကိုယ့်အိမ်မှာ အိပ်ပျော်သွားရာကနေ တခြားနိုင်ငံထိပါ ရောက်လာရတာလဲ၊ လက်ထဲမှာလည်း သေနတ်တစ်လက်က ဘာလို့ ထူးဆန်းစွာ ရှိနေတာလဲဆိုတာကို စိတ်ဝင်စားဖွယ် အဖြေရှာ ကြည့်ရှုရမှာဖြစ်ပါတယ်။