|
| No One is Closer Than We (2026) |
No One is Closer Than We (2026)
မိုးအေးအေးလေးနဲ့ အချစ်ရုပ်ရှင်အေးအေးဆေးဆေးကြည့်ချင်တယ်ဆိုရင် ဒီရုပ်ရှင်လေးကို ရွေးချယ်ဖို့ ပြောချင်ပါတယ်။ ဒီရုပ်ရှင်လေးကတော့ သာမန်ချစ်သူစုံတွဲလေး နှစ်ယောက်အတူတူ
မြို့ပြကြီးမှာ နေထိုင်ရုန်းကန်ရင် ဘဝအခြေအနေ ကောင်းမွန်လာတော့မယ်ဆိုတဲ့ မျှော်လင့်ချက်တွေကြားမှာ ရုတ်တရက်ရောက်လာတဲ့ အခက်အခဲတွေကြား အပြန်အလှန် အားပေးကြတဲ့အကြောင်း ရိုက်ကူးထားတာ ဖြစ်ပါတယ်။ မတော်တဆတစ်ခုကြောင့် ရှန်ချင်းဟာ ရှေ့သွားနှစ်ချောင်း ဆုံးရှုံးသွားခဲ့ပါတယ်။ အဲဒီ မတော်တဆကပဲ ကံဆိုးမှုတံခါးကြီးကို ဖွင့်ပေးလိုက်သလိုပဲ ရှန်ချင်းနဲ့ လီဝေ့ယန်တို့ရဲ့ ဘဝမှာ အခင်အခဲတွေ ဆက်တိုက်ဆိုသလို ကြုံရပါတော့တယ်။ သူဌေးက လစာမပေးချင်လို့ စာချုပ်ထဲမှာ ညစ်ထားတာ...... ကားတိုက်ပြီး တာဝန်ယူရမှာကြောက်လို့ လိပ်စာအတုပေးပြီး ရှောင်ပြေးနေတာ......အိမ်ငှားထားတာကို ပွဲစားက လိမ်သွားတာ...... ပြင်ထားတဲ့ဆိုင်ကယ် ပြန်ယူလာပြီး တစ်ရက်အတွင်းမှာပဲ အခိုးခံလိုက်ရတာ..... အာမခံကုမ္ပဏီက လျော်ကြေးမပေးချင်လို့ ဆင်ခြေတွေပေးနေတာ...... အဲဒီလို လူတစ်ယောက်ကို စိတ်ဓာတ်ကျစေနိုင်တဲ့ အခက်အခဲတွေ ဆက်တိုက်ကြုံတွေ့နေရပေမဲ့ ရှန်ချင်းနဲ့ လီဝေ့ယန်တို့နှစ်ယောက် အရှုံးမပေးဘဲ ကြိုးစားဖြေရှင်းကြတာကို ကြည့်ရှုရင်း ရသမျိုးစုံ ခံစားရမှာ ဖြစ်ပါတယ်။